札幌留學 + 留學後小記

最後一BLOG

2010-05-04T00:34:00.003+08:00

5月4日. 晴.

呢個BLOG 係我用來記低自己O係日本留學生活用, 所以覺得返左香港後, 都係另外開一個BLOG 好D.
但係最近都無咩寫, 等遲D 有MOOD 時, 再開一個BLOG 啦.

中相機毒

2010-04-30T00:53:00.002+08:00

4月30日. 雨.

自從買左相機後, 就發現自己不能自拔....不斷咁買新野. 雖然話放返出去都唔會差好遠, 但始終都係大洗左, 感覺上唔係咁好. 但用唔同LENS影唔同GEI相又真係好好玩. 相機, 似乎都真係男人GEI 死穴GEI 其中之一.

影相, 原來又有另一用途

2010-03-22T01:40:00.004+08:00

3月21日. 晴.

今日又同一大班人去影相, 玩得好開心. 原來影相背後, 係可以識到好多人, 而且大家都志同道合, 特別O岩傾. 當中仲有1,2個係超級好傾GEI, 其實有時間真係想約佢地出來食飯吹下水.
人生, 真係有好多未知GEI領域, 未知GEI 世界. 只要行出一步, 人生可能就會有好大GEI 轉變.

放張今日影GEI 相上來先. HEHE

情感... 控制不了

2010-03-15T22:05:00.002+08:00

3月15日. 霧.

最近工作令我心倩低落, 工餘活動令我萬分興奮.
一低一高, 一低一高, 已經失去控制.
我係唔係已經做左藝術家? 情緒不定?

無工作GEI沉悶, 何來工餘的快樂.......

今個月洗大左

2010-02-24T23:40:00.003+08:00

2月24日.

今個月真係用左好多錢, 其實已經出現赤字. 如果唔係今個月有D利是錢幫補下, 已經破左產好耐.
錢, 真係一樣好複雜GEI 野......

下個月真係要慳D 洗先得啦.......

今日大開眼界

2010-02-21T19:52:00.003+08:00

2月21日. 陰.

今日有朋友話我知係"九展"有個COSPLAY GEI EVENT, 見我去睇下. 咁今日因為都無咩做, 所以走左去睇下有無靚女. HEHE.

去到見到好Q 多人, 分別係玩COSPLAY GEI, 同影相GEI 龍友(我自己都係其中一個). O靚仔O靚妹個個都好比心機扮卡通角色, 真係覺得自己去左日本咁. 而且著COSPLAY GEI 都好大方, 只要你講聲「可以同你影相嗎?」, 個個都唔會拒絕, 又或者應該講, 佢地係為左比人影相而去O個到, 無人影佢反而會唔開心.

今日我先發現, 原來香港都有咁多電車男!!!!!! 到底呢D 係好事, 定唔好事呢???

(真係好多人, 而且龍友係不分男女老幼)

(眼見全場最好樣O個2個)

(呢個勁好心機, 佢套衫像真度好高, 而且佢地係一行5人都係咁, 真係好勁! )

一個星期GEI 豐富午餐

2010-02-12T23:05:00.002+08:00

2月12日. 晴.

呢個星期, 食足5日勁正GEI LUNCH, 分別坐的士去九龍城食牛肉餅同THAI菜, 九龍灣GEI貴價酒樓食LUNCH, 食日式鐵板燒, CALAFORNIA PIZZA KITCHEN. 真係食得好咀叼晒!!!

食得咁開心GEI 同時, 我O係呢間公司都做左3個月, 過左試用期, 但人工無得加.... 錢, 其實係D 咩呢? 又不禁要問一問自己.

放假呢幾日, 都係應該要做下D 日文野, 因為之前放低左, 我唔可以比自己懶GEI!!!!!!!!!!

追求...美

2010-02-07T22:52:00.002+08:00

2月7日.

最近開始影人像, 一影, 就愛上左.
追求美GEI意欲好多人都人, 包括我.
而影人像, 就可以將一D 靚GEI 人影得更靚, 呢樣野又係令我異常興奮.

以後會有多D相放去呢個BLOG:
http://satoruphoto.blogspot.com/

健身的男人係.....

2010-01-27T22:49:00.003+08:00

1月27日. 晴

呢排又重新玩返健身, 重新又感受到, 玩健身GEI 男人有9成都係有自戀狂.

通常男人都會一邊玩, 一邊照鏡, 睇下自己D 肌肉大唔大、靚唔靚. 呢種行為我認為係自戀狂, HAHA.

仲有0.7成GEI 男人應否係GAY, 去睇其他男人GEI 肌肉, 0.3成GEI 男人就只係單純想做下運動OR搵人吹下水.

呢D都係純粹個人意見, 唔好太認真睇. HAHA

P.S. 我應該係「自戀狂」GEI一員.

(記錄低自己玩GYM 後一個月GEI 身型, 睇下幾個月後會唔會大隻左先.)

從廁板看到的.....

2010-01-27T20:40:00.002+08:00

1月27日.

今天突然想起一件事, 很想寫下來.

題目是 "從廁板看到家庭中是男權還是女權當道"

其實從小到大, 到過朋友或同事的家, 總會有機會借用人家的廁所. 但到不同的家, 就會發現有不同的情況. 一種是廁板(我指的是用來坐的那環形廁板)長期放下的, 而另一種是長期拿起的.
在我的眼中, 長期放下廁板的家庭是女權當道的. 因為女士們如廁時不用做任何時, 坐下便可. 但男士要如廁, 就要拿起它, 完事後還要把它放下, 有2重工夫.
相反, 廁板長期拿起的家庭就是男權當道, 男士什麼都不要做, 而女士就要做2重工夫.

以上純屬個人感受及推測, 當然不能作準. 但下次到朋友家的話, 可看看人家是男還是女權家庭呢.
^_^

忙到傻同閒到癲

2010-01-16T21:03:00.002+08:00

1月16日. 晴.

最近GEI 生活出現左好大反差. 返工GEI 時候就閒到癲, 成日都無野做, 因為老細無比ACCOUNT 我跟.
但放工係就忙到傻, 因為要教日文(做NOTES, 諗RUNDOWN), 做GYM, 搞影會. 真係忙得好緊要. 1月24開始仲會多一班初班要開波, 都唔知有無時間做野....

而家要做GEI 係, 諗下點分D時間做野.

日文老師

2010-01-10T23:14:00.003+08:00

1月10日. 晴

星期5開始左第一堂日文堂, 教GEI 係初班, 仲要中途接手, 其實有D難度.
但上完2個鐘, 感覺係:
1. 聲沙
2. 攰
3. 好玩

其實自己對日文真係好大興趣, 所以就算錢少D, 辛苦D, 我都覺得係值得GEI.
希望之後可以教得更好!!!

新一年, 新玩具

2010-01-03T17:16:00.004+08:00

1月3日. 陰.

今日買左件新玩具比自己, 就係........

NIKON D3000 單反機 + 一支35mm f/1.8
因為有朋友有教協證, 所以可以平少少買到呢部機, 真開心.

呢部機真係好細部, 比我想像中再細一個碼, 又輕, 都無乜DSLR GEI 感覺. 不過都幾好玩咁.
之後GEI 目標就係要玩熟呢部機, 影多D靚靚人像相.

又一年啦

2009-12-31T23:58:00.002+08:00

12月31日.

又一年啦!!
下年GEI 目標係.......
1. 教好D 日文
2. 影相技術有進步
3. 諗多D 新野玩
4. 同好朋友GEI 感情再好D

又有新活動

2009-12-28T22:18:00.003+08:00

12月28日. 晴.

今日開始, 我又有新活動, 就係做GYM!!
我已經買左大隻佬奶粉, 一定要出成績!!
各位朋友, SUMMER 約我去沙灘啦!!!

我GEI 興趣係....

2009-12-22T22:00:00.004+08:00

12月22日. 晴.

呢排成日比公司同事講我個人好悶, 老實講, 我都認, 我的確係一個悶人.
其實你問我有咩鍾意玩, 我就真係好鍾意日文. 仲有其實我鍾意影人像相.
最近同朋友影左幾張相, 有一張我覺得好靚. 所以想比大家睇下.

我覺得呢個MODEL, 比心機多少少GEI 話, 一定會紅.

新玩意

2009-12-12T11:33:00.002+08:00

12月12日. 陰天.

呢排同朋友傾開, 其實都真係幾想買部單鏡反光. 其實而家已經睇中左, 應該下個月會買.
我睇中GEI 係NIKON D3000, 仲有一支1.8光圈GEI鏡. 成SET 加埋應該要5500左右, 都算係幾大GEI洗費. 但其實幾年前都已經好想玩單反, 因為覺得影出來GEI相真係好靚. 暫時就向呢個超短期目標出發啦.

開始有D忙

2009-12-04T00:13:00.003+08:00

12月3日. 晴.

呢排返工都係無乜野做. 都幾悶.
但就同朋友搞緊D新PROJECT. 唔知搞唔搞得成. 放工後反而有少少忙.

煩中之煩

2009-11-26T22:14:00.002+08:00

11月26日. 晴.

返左工3個星期, 公司其實真係算OK, 老細都好人. 但最大問題係有個煩人o係公司, 佢做野唔得就算啦, 最大問題係佢成日煩住我, 成日好似想講比全公司gei 人知佢好叻咁. 我要接手佢d 野, 真係煩到嘔. 真係要求神令佢快d消失.

老細好黑仔

2009-11-24T00:56:00.002+08:00

11月23日. 晴.

今日老細來左香港office, 因為佢一個月先會來一次, 所以放工後就話一齊食晚飯.
原本都幾開心gei, 全公司再加隔離公司2個人一齊食, 但點知去到餐廳老細話唔見左個銀包. 開頭以為留左o係公司, 同事返去幫佢搵, 無發現. 佢自己又走去搵下, 都無. 結果最終都係搵唔到, 佢真係慘到爆. 除左錢, 仲有卡同少少證件. 佢今次都真係有排煩....

公司showroom

2009-11-17T22:21:00.002+08:00

11月17日. 晴.

琴日係公司showroom 影左張相. 我諗如果係disney迷gei 話, 一定會開心到爆. 但可惜我對呢d 野無乜興趣. 另外仲有時會有d公仔, 不過對我都無乜用.

另外琴日有同事請我食芝麻糕, 都幾ok.

睡房新朋友

2009-11-14T22:11:00.003+08:00

11月14日. 晴.

今日我新買gei 高架床同空氣清新機到左啦!!!! 我想要gei 野終於都買齊, 希望以後可以有覺好訓啦.

其實一直都有鼻敏感, 可能訓gei 時候鼻塞, 所以成日訓完個人都唔精神. 所以我今次返來, 就決定洗d錢, 買部空氣清新機, 希望可以改善下睡眠質素. 至於得唔得, 就真係要試一排先知, 到時再寫下報告啦.

(經長期資料搜集, 最後買左sharp gei kc-c70a)

全世界gei 公司都係一樣

2009-11-06T22:03:00.002+08:00

11月6日. 晴.

今日跟左同事+一個客上大陸廠check 貨, 咁大個仔真係第一次去睇廠, 都算係幾得意gei 經驗.

但無論公司係大定係細, 似乎都係存在著同事之間gei溝通問題, 同埋能力高低參差不齊gei問題. 而家香港公司同大陸廠似乎存在著好多問題, 各有各講. 不過每間公司好似都係差唔多, 朋友做緊gei 公司都有類似問題, 好多時大陸廠都會爆鑊.

我覺得如果我keep 住做呢間公司, 將會面對gei 野都會係一樣. 希望我真係可以handle 到.

返工啦

2009-11-04T23:06:00.004+08:00

11月4日. 晴.

今日係第2日返工, 仲未有咩野做, 但已feel 到公司gei亂. 不過好在同事都好好人, 都可以放心做住先. 另外星期5就會同同事返大陸check 貨, 都可以去睇下廠.

(公司細細, 人少少, 但同事人好)

(公司好多"迪仔"野)

日文教師 / 學校

2009-10-30T22:04:00.003+08:00

10月30日. 晴.

今日o係網上面search 左一下日文導師gei空缺, 發現空缺並唔多. 但反而搵到好多人都話自己教日文, 好多日文gei 私人補習. 其實日文老師係唔係已經飽和呢?

再深入d 睇, 發現有一部份考左2級能力試就話出來教, 的確有d 問題. 其實自己讀完1級gei 時候, 都覺得自己仲有好多野唔識, 因為日文教育其實唔會將所有野教晒, 只係教一d基本野, 所以讀完1級有好多野唔識, 係好正常gei.

現時gei 情況, 似乎同之前都一樣, 學校有好多, 老師有好多, 但好gei到底又有幾多? 呢個就係現時日文教育gei 現況.

請將手放開

2009-10-29T14:17:00.002+08:00

煩惱、悲傷, 到底來自哪裡? 到底由什麼引起?

個人的意見來看, 兩者的原因均為「執著」. 當人對某事/某人存有執著之意, 而那事/人又未如人意的話, 煩惱及悲傷便繼而產生.

這世上真的有東西是非擁有不可嗎? 人真的需要「人生意義」嗎? 活著不就是已經足夠了嗎?

是時候將那「執著」之手放開吧!

病

2009-10-29T11:39:00.002+08:00

10月29日. 晴.

我覺得我有少少情緒病, 雖然之前聽人講, 話都市人有8成都有, 但, 係唔係真gei 呢?
定係只係我而家太多時間, 所以先會亂諗野呢?

一句說話

2009-10-28T23:58:00.003+08:00

10月28日. 晴.

一句說話可能令你找到一生的伴侶;
一句說話可能令你失去一生所愛;
一句說話可能令你飛黃騰達;
一句說話可能令你家財盡失;
一句說話可能令你可能令你失去朋友..............

我.....是否不應再說話呢.......

白泥

2009-10-26T19:56:00.002+08:00

10月26日. 晴.

今日下午無野做, 抽起條筋, 搵下個朋友, 佢又無野做, 所以我就提議出下去影相. 朋友就話去白泥, 我之前都去過, 所以就即時出門口.

去到發現有好多人, 原來香港人都幾無聊, 放假大家都無地方去, hehe.

去到影左幾張相, 行左一陣, 就返屋企啦. 不過間唔時去下呢d 地方, 都幾舒服gei.

心意已決

2009-10-25T13:09:00.003+08:00

10月25日. 晴.

終於都決定左返邊份工, 個人心情輕鬆晒. 遲d 會post 公司d相.

琴晚同留學時識gei朋友又討論 "人生", 真係覺得好得意, 個個都有自己諗法, 有各自gei 理由去support, 有各自想追求gei 野. 但結論係, 人生目標係咩唔太緊, 只要有就得, 因為目標係會不斷轉變, 而且係無絕對gei. 目標只係一d動力, 比自己努力去生活. 所以我唔會再煩惱, 只會努力向前.

煩惱

2009-10-22T22:51:00.002+08:00

10月22日. 晴.

之前見左4份工, 可能係我叫價唔高, 所以有3份都話請我. 我已經推左一份, 因為o個間公司死氣沈沈.
另外有2份我就決定唔到, 所以個人好辛苦呀!!!!!!!!!
到底我應該做前途好少少gei, 定係做份辛苦但自己鍾意做gei 工呢?

天呀, 唔通呢次真係要祈禱問耶穌??

搵工搵工搵工

2009-10-19T17:21:00.002+08:00

10月19日. 陰天.

呢2星期不斷咁見工, 見agent, 又見公司(因為我自己都有send 下resume). 當中都有2份感覺上機會大少少gei, 應該會有second in.
但返左來差唔多3個星期, 感覺上都係無乜動力, 個人好 "謝". 感覺上好多野都唔如意, 同去左日本後2,3個月gei 時間差唔多. 可能人生就係咁, 總有好多低潮.
可以做gei, 都同以前一樣, 唯有每日同自己講 "加油!".

搵工agent

2009-10-10T10:23:00.002+08:00

10月10日. 晴.

呢個星期我去左幾間專搵日文工gei agent 到見工, 所以想講下佢地gei分別.
現時為止去左 sagass, good job creation, tempstaff, anchor, 佢地比我gei 感覺係:

sagass:
日文人員工好nice, 幾好傾, 又會講下d搵工心得. 佢英文都好好, 佢負責check我gei日文同英文會話能力. 香港員工都係好nice, 講解公司資料都算詳細.
另外佢地有d簡單gei test, 叫我譯日to英同英to日. 同有一少段作文.

good job creation:
日本人員工只係負責check 我gei日文能力, 無傾其他野. 香港人員工都nice, 感覺上佢地做野好快手, 我send 個email 比佢地, 佢地好快就reply我. 到現時為止得呢間有真正gei interview 比我.
呢間無筆試.

tempstaff:
一開波就係日本人check 我日文, 之後就香港人接手, 感覺上佢地cool 少少, 無其他agent gei 人咁多野傾. 講公司資料都唔太詳細.
呢到有打字test 同短作文test.

anchor:
日本人都係負責check 日文能力, 再由香港人員工check英文同國語. 呢間gei人都幾nice, 又會教下我點寫resume 會好d, 感覺幾pro. 不過呢到gei 工唔太多, 介紹唔到太多比我.
呢到gei test 係最難gei, 有生字, 文法, 敬語, 商業電話對答gei test. 雖然唔算多題目, 但就真係好深. 日本人仲即場對答案, 如果無準備去gei 話, 都幾係野.

其實仲有一間叫kingsway我未去, 都諗緊去唔去好, 因為其實咁多間agent, 好多工都係重複gei, 所以覺得去唔去都無所謂. 如果一個月後未搵到工gei, 我會去埋呢間試下.

下星期一有一份工要見, 希望好運見得成啦.

討厭的香港人

2009-10-06T09:08:00.003+08:00

10月6日. 晴.

返左香港幾日, 到而家都未習慣返. 第一樣未慣gei係天氣, 太熱太濕太焗, 個人好唔舒服. 第二樣係人, 人太多, 感覺好辛苦.

其實有一樣野係由我去日本前都已經覺得gei 係, 大部份gei 香港人都好自私, 唔理其他人, 呢樣野好討厭. 最簡單gei 例子係坐MTR gei時候, 坐o係身邊gei人gei手袋成日都會整到我, 我唔係好明到底攬實自己個袋, 唔好整到人, 有幾難??!!!! d咁少gei野都唔顧人感受, 其他野就更加唔需要講.

日本人當中都有呢d 人, 但比例上就少d. 但我覺得呢d香港人gei數量, 只會有增無減.

返左香港啦!

2009-10-01T18:43:00.002+08:00

10月1 日. 晴

琴晚11點左右返到香港gei 屋企啦!!
香港gei 天氣真係好熱, 好辛苦呀.....

安頓好後, 再慢慢寫blog.

感謝日

2009-09-26T14:26:00.003+08:00

9月26日. 晴.

今日gei行程係去2個地方, 都係受過佢地 "關照" gei.

第一站係之前打工gei燒肉店, 今日買左寿司去做謝禮, 再食個lunch後就去第二站啦.

(因為廚房gei舊同事知係我, 所以double左個lunch gei 份量, 真係飽到暈!! 但又真係好好味!!)

第二站係之前住gei宿舍附近gei菜檔, 日文係"八百屋", 其實而家已經好少呢d舖頭, 因為好多大型超市都有菜賣. 但係呢間舖賣gei菜超平, 差唔多係超市gei一半, 我係返學途中發現gei, 之後就間唔時都會去買下菜同生果. 老闆都幾後生ga, 佢知我係窮學生, 好多時都會平少少賣d野比我, 有時又會送d生果我食下咁, 真係極之好人. 所以我今日買左蛋糕去多謝佢同影相留念. 最後佢又送返d蘋果比我, 真係十分客分.

(左下角係老闆, 好好人ga, d生果gei日文名, 好多都係佢教ga!)

有餐食

2009-09-25T22:19:00.003+08:00

9月25日. 晴.

今日有香港同學仔煮dinner 我食, 另外仲有2個thai國人, d 餸好好味, 不過d thai式咖哩真係好勁, 食到有d噴火.

不過最好少係, 香港同學仔一路食, 不路教thai仔講淫賤廣東話, thai仔又發音超準, 笑到反肚.

(偷左同學gei相來用, 因為我部相機太差, 無靚相)

畢業啦!!!

2009-09-25T00:35:00.002+08:00

9月24日. 小雨.

今日係我畢業gei 大日子. 上完最後一堂, 就派證書. 大家再影下相後, 就一齊去左食大餐. 雖然d 野唔抵食又唔太好食, 但目的都係成班同學聚下, 吹下水咁, 都幾開心gei !!

因為時間都唔早啦, 今日post 住畢業相先啦.

最後的自製晚餐 + 執野

2009-09-22T23:24:00.002+08:00

9月22日. 晴.

最後一星期啦!!!

其實已經開始執行李, 而咁o岩又有個香港同學仔搬出來, 我就買d家電比佢, 所以今日我就要執好d野, 明天搬比佢. 就係因為咁, 今晚就係為左我o係札幌最後一次煮晚餐比自己食啦. 今日因為要清埋雪櫃d野, 所以都幾好餸, 有2餸1湯, 真係飽到嘔.

執下執下就發覺原來自己都有好多野, 因為呢一年都好努力煮飯食, 所以廚房用品極之多, 相信對接手gei 同學仔會有幫助.

不過執野時發現有一樣令我頭痛gei 係, 清個書櫃時發覺自己仲有好多書, 都真係唔知點帶佢地返香港.

吉列串

2009-09-22T23:14:00.002+08:00

9月21日. 晴

今日我o個班gei 一位 "太太" 同學仔話要o係我走前請我食餐, 問我想食咩. 我就因為未食過日本gei串カツ(即係炸串物), 所以叫佢請我去.

我地6點半左右去到, 時間尚早, 全間野只得我地一group人. 我地坐低就即刻叫野食, 每串由100yen至300yen, 基本上都好好味, 但最正係炸蝦, 300yen一隻, 但好大隻, 自己去超市買可以都要200yen 一隻, 好好味!!!

成晚都食得好開心, 3個人total 食左41串, 都真係唔少.

真係要多謝 "中村さん"!!!

今井之家

2009-09-20T22:03:00.002+08:00

9月20日. 晴.

今日去左之前教我gei miss gei 屋企, 去探一探佢父母, 因為佢地都知我仲有10日就返香港, 所以就煮餐好gei 比我食.

大約1點左右去到, 坐低飲下茶, 吹下水, 之後就同"ba ba" 去左浸溫泉, 一路浸都一路吹水.

浸左一個鐘左右就返佢地屋企, 又傾左一陣計就食晚飯. 晚飯係我最鍾意gei日式炸豬扒, 好好味!

食飽後都又再繼續傾計, 今日真係同佢2老傾左好多野, 好開心.

希望佢地以後都身體健康啦!

最後2星期

2009-09-15T21:33:00.002+08:00

9月15日, 小雨.

留o係札幌gei 日子只得返2星期, 開始要忙同朋友食飯同諗下點收拾行李. 不過老實講, 心情一d都唔緊張.

上星期o係starbuck 見到隻好靚gei杯, 所以買左一隻, 諗住返香港可以用. 我鍾意佢gei 原因係佢gei顏色同我隻愛錶一樣, 勁有型!!! 不過都唔平, 要2000yen(約hk$160).

另外今晚就同之前打工識到gei 一個朋友去食拉麵, 間野叫 "一風堂", o個到gei豬骨湯底好好味, 所以返香港前約朋友食最後一次. 一碗只係750yen(約hk$60, o係日本算平), 好好味, 連我呢d平時唔太喜好食拉麵gei人都會愛上. 呢間野仲有餃子同炒飯, 不過就好一般, 唔試都無所謂.

寄野返香港

2009-09-06T21:17:00.002+08:00

9月6日. 晴.

早2日開始pack 左d 唔急用gei書同衫, 寄船返香港. total 30kg, 基本上書應該有23kg, 另外加幾件褸. 成為7,750yen(約hk$600). 日本寄野好在可以叫佢上門收件, 唔駛自己搬. 不過眼見郵差叔叔一條友搬件30kg落樓, 真係有d擔心, 但我問佢要唔要幫手, 佢又好型咁講唔駛, 無計......

郵差叔叔話要差唔多2個月件野先去到香港wow. 希望可以快少少到啦.

實習

2009-09-01T16:08:00.002+08:00

9月1日. 晴.

今日上左實習堂, 內容係自己o係中級書內搵一段出來, 用日文去教外國人學生. 我今日gei學生係2個香港人同一個韓國人. 過程中全日文教授, 對我來講真係好吃力, 點講都好, 自己唔係日本人, 好難好流暢咁用日文去教書.
一開始係我自己先讀一次課文, 之後問學生2個簡單gei問題, 再而叫學生讀課文, 最後就由我去詳細解釋課文gei 文法同生字. 雖然好難, 但其實都幾好玩. 不過途中比學生問左2個我答唔到gei 問題, 深感自己gei 不足. 日文真係學一世都學唔完. 但呢樣又正正係日文好玩之處.

而家離我返香港gei 日子只係一個月, 要開始諗返去之後gei plan. 預計應該會好忙好忙好忙好忙呀!

放完暑假

2009-08-16T16:03:00.002+08:00

8月16日. 晴.

今日係暑假gei 最後一日, 距離返香港gei日子都開始進入倒數階段. 呢個暑假雖然無四周去, 但都發生左好多野, 我覺得自己又再level up 左, 係唔係好事就好難講, 但點講到係人生gei經驗.
溫書方面似乎都係未夠勤力, 希望可以再做好d 啦.

好X熱呀

2009-08-11T23:10:00.002+08:00

8月11日. 晴

呢個星期日日都28度, 我間屋又唔通風, 室內日日都30度, 維持生命gei 方法只係得電風扇一把, 真係唔知幾時會熱死係札幌.......

下星期就開始返學, 之後過多一個月就返香港, 真係覺得好快. 其實一直都想返香港, 但到呢個時候, 又有d 唔係太捨得咁...... 心情真係一種複雜gei 東西.

1000YEN剪髮

2009-08-04T21:57:00.002+08:00

8月4日. 晴.

今日約左個朋友出去食飯, 我因為早到左, 所以就係目的地附近行下. 行行下見到幾間1000yen剪髮gei舖頭, 咁o岩呢排其實都想去剪, 所以就走左入其中一間.
老實講, 對呢d平gei 地方其實都無mud祈望, 只係希望佢唔好剪得太差就ok. 結果坐低到剪好, 都差唔多30分鐘.
感覺都唔太差, 1000yen, 都係差唔多呢d 質素. 剪o個陣仲同阿姐吹左下水, 都幾得意.

落club

2009-07-30T22:51:00.002+08:00

7月30日. 晴.

琴晚同左幾好日本同學仔去左club玩, 日本gei club, 其實即係disco, 並唔係夜總會.
我地6個人, 一齊去食左個dinner, 9點幾, 先開始出發去club. 我地去gei, 係札幌出名gei "a-life". 而家平日做緊2000yen 成晚任飲, 勁平. 不過因為平日關係, 真係無乜人, 個場又唔算細, 所以都幾冷清.
同學當中有一個幾好笑gei, 佢一飲幾杯酒之後, 就會進入忘我狀態(第2日起身唔記得晒d野o個隻), 而且會情緒極度高漲, 非常好笑and好玩.

只有日文gei留學生活

2009-07-22T16:48:00.002+08:00

7月22日. 多雲.

最近成日陰天或者落雨, 個人好無精神......
唔駛返學gei 日子, 就好明顯feel 到自己同d 日本人同學仔其實都唔係好fd, 大家都唔會點約出來玩. 都有可能係我自己唔夠主動約佢地gei, 但感覺上, 都feel 唔到佢地好想同我玩咁.... 可能佢地都忙讀書gei 野啦.
呢個暑假, 似乎只係得「日文」陪我渡過.

買西裝

2009-07-17T22:47:00.003+08:00

7月17日. 晴.

今日開始已經唔駛返學, 我搵左個同學仔一齊同我去買西裝. 其實之前o係電視到見到有間「日本G2000」咁gei 物體, 專賣西裝gei. 再上佢個website 睇, 發現d西裝gei cutting 超修身, 著到個人好slim, 好fit, 所以上星期自己就走左去望下. 上星期已經睇中左1套, 今日就搵同學仔再幫下眼. 最後係買左2套, 再買左3件恤衫, total 53,000yen(約hk$4000). 其實講真, 唔覺得d料好好, 但係o係香港真係無呢d cutting gei 西裝, 所以貴少少都要買返香港著.

就快放暑假

2009-07-13T20:23:00.002+08:00

7月13日. 雨.

呢排成日都落雨, 搞到個人都無乜心情.
返埋今個星期, 就會踏入一個月gei暑假, 因為舊年已經睇左花田, 所以今年應該都唔會再去.
似乎今個暑假我會用來溫下書, 因為最近睇返d書, 如果自己要教gei 話, 其實有好多地方都係唔明. 所以應該要用今個暑假去睇晒佢, 搵晒d唔明gei 地方出來, 暑假後可以問個勁miss.

自己好似有d 不知所為

2009-07-12T00:11:00.003+08:00

7月11日. 晴.

最近開始有d覺得自己不知所為, 做左有d 連自己都覺得唔o岩gei 野, 到頭來又唔知為乜咁.
但呢d應該唔係留學gei 錯, 係我自己gei 問題, 因為我似乎不斷o係到重複以前gei錯誤... 到底我幾時先可以改到呢?

有d 忙

2009-07-07T23:40:00.002+08:00

7月8日. 過雲雨.

呢個星期為左學校gei實習同功課, 有少少忙, 都無時間去做其他野. 唯一出過街gei 係陪新來報到gei 香港新同學去出電話.
不過我都就快放暑假, 又係一個月gei漫長歲月, 都唔知點捱....... 希望到時有心機溫下書啦.

幫朋友搬屋

2009-06-30T19:54:00.003+08:00

6月30日. 小雨.

今日唔駛返學, 咁o岩之前做part time 識gei 日本朋友搬屋, 所以我就去左幫手啦. 佢因為同女朋友將會結婚, 所以就搬埋一齊住, 好幸福.
今朝一日新身, 9點半左右去到佢舊屋, 其實都唔係好多野搬, 結果2個鐘內搞點晒所有野. 之後再o係佢新屋幫手清潔下咁.
當中得意gei 係, 佢女朋友gei 細佬都有去幫手, 我同佢傾計, 發現十分好傾, 佢又教左我一d 年輕人講gei 日文咁, 都幾好笑.
跟住dinner 就4個人一齊出去食燒肉放題, 之後佢再送左我返home.
就係咁就完成左今日gei 搬屋活動啦.

日本語教育能力検定試験

2009-06-29T16:18:00.003+08:00

6月29日. 晴.

日本語教育能力検定試験, 呢個係比日本人考gei試, 目的係測試佢地有無能力去教外國人日文. 原本我都諗住考, 但之後發覺好廢, 所以放棄左. 呢排上堂, 有d 科目係為呢個考試而上gei. 老實講, 真係不知所謂, 唔係個先生廢, 而係考gei 野, 根本就對教日文一d幫助都無, 完全唔會教學生gei 理論, 學生都會問d 咁gei 問題, 但考試就要考. 另外仲有d 係死背人名, 數字, 歷史, 記得d咁gei 野, 對教學有咩幫助呢? 我諗問出卷條友都未必答到. 日本就係咁得意, 有d 咁無謂gei考試.

另一次home visit

2009-06-23T16:16:00.004+08:00

6月23日.

今日得到一個同班gei日本同學仔招待我+另一個香港同學去佢屋企食飯. 12點幾佢來我屋企附近接我地, 坐大約一個鐘頭左右, 就去到佢屋企. 外面睇落去都幾大咁, 一問之下, 原來都已經20年樓齡.

今日同學仔自己親手整左個"親子丼" 比我地食, 味道都過得去啦, 心意先最重要ma. 之後同日本同學仔gei 媽媽同婆婆傾左陣傾, 就完左今日gei home visit 啦. 同學仔仲車我地返屋企, 真係辛苦晒佢.

鯨魚肉

2009-06-23T16:09:00.003+08:00

6月23日. 小雨.

上星期o係超過市見到有鯨魚肉賣, 由於自己咁大個仔都未食過, 所以就買左一舊來試下. 一舊163g gei 肉賣643yen(約hk$50), 老實講都唔算好貴, 因為o係香港一定食唔到.

鯨魚肉gei 外觀我覺得好似牛肉, 好紅, 而且血淋淋咁, 都幾得人驚. 我將一部份用來煎, 一部份就生食. 煎o個舊就味道ma ma地, 而且仲真係好似牛肉咁, 煎得耐會好硬. 反而生食個part 好味d, 食落去d 味道好似吞拿魚咁gei 味, 都幾ok.

(就咁睇真係以為係牛肉)

睇電影

2009-06-22T22:28:00.003+08:00

6月22日. 雨.

來左1年有多, 今日係第一次去戲院睇電影. 因為明天有個男同學生日, 我地班gei 男仔就話約一齊食飯睇戲. 一行4人, 放學就去左睇terminator4, 之後去食soup curry, 繼而去左girl bar飲左杯野. 間bar gei bar tender 全部都係女仔, 不過d 樣就...........

好耐都無試過「4仔」團去食飯睇戲, 今日都幾開心gei.

日語教育

2009-06-20T10:44:00.002+08:00

6月20日. 晴.

讀左幾個月日語教師班, 知到左一樣野, 原來日語教育已經發展得好好. 日本接收留學生 / 教外國人日文已經有好多年歷史, 好多年經驗, 當中用過好多唔同gei 教學方法, 不過多數都係引用外國gei研究所發展出來gei. 其實而家最廣泛gei 日文教學法, 都係抄英文gei 教學法而演變出來.

呢d 知識令我諗到gei 係, 到底中文教學法又係點gei 呢? 中國有無一套完整gei 教學法去教外國人中文gei呢? 廣東話又幾時會發展到一套正式gei 教學法出來呢?

唉.........

2009-06-19T22:49:00.001+08:00

6月19日. 晴.

好想快d 返香港呀.............. 我覺得自己就頂唔住啦...........

又買書

2009-06-14T17:00:00.003+08:00

6月14日. 小雨.

今日無乜野做, 所以又走左去二手書店睇下有無書買.

其實主要都係想搵d 同日文有關gei書, 行左差唔多3個鐘, 都搵到幾本有用得來又幾得意gei書, 比自己睇同教日文都會用得著.

不過最得意gei 係, 我行行下見到一本書, 我相信香港gei 男士一定聽過佢個名, 就係「加藤鷹」, 本書都幾精美, 而且仲有隻DVD, 我見都唔貴(600 yen), 所以就買左, hehe, 係咁意睇左下, 內容都幾好笑.

(加藤鷹gei 書, 內容好好笑)

(早排香港一個朋友奇比我gei 曲奇, thx!!)

空虛病又發作

2009-06-13T22:10:00.002+08:00

6月13日. 晴.

呢2日留學生常見gei「空虛病」又發作, 成日都覺得好悶, 雖然有無數gei書可以溫, 但都提唔起勁, 好想搵人陪. 但心知呢d 野係要自己去克服gei, 內心只可以不斷掙扎, 不停叫自己加油.
又諗, 即使有人陪, 係唔係真係會有分別呢? 係唔係真係會唔悶呢? 到底又想有咩人陪呢?
呢個病係唔係真係因為我一個人o係札幌先會發作呢? 就算返到香港, 又係唔係真係會好返呢?
..........又係一大堆無答案gei 問題......

今日訂左返香港gei機票

2009-06-12T14:28:00.002+08:00

6月12日. 晴.

今日打左電話去訂返香港gei 機票, total 45000yen(約hk$3500). 其實都唔駛咁早訂gei, 不過總係覺得訂左後個人會安心d, 所以都忍唔住訂左先. 可能呢個都係我gei 性格, 一諗到想做gei野就要即刻去做, 好唔好就唔知啦.

仲有3個月, 好快就要返香港迎接新挑戰啦 !

又有朋友返香港啦

2009-06-10T22:53:00.003+08:00

6月10日. 晴.

今日又有一個朋友讀完年半課程返左香港, 呢個朋友都同我幾o岩傾, 所以都幾唔捨得佢走......
雖然自己都只係剩返幾個月留係札幌, 但d 朋友一個一個咁走, 自己都好想快d 返香港.

另外而家諗緊暑假搵唔搵野做好, 做又辛苦, 唔做又悶, 都唔知點好.

餃子party

2009-06-07T12:42:00.003+08:00

6月7日. 晴.

琴日去左其中一個同學屋企開餃子party, 上午11點左右去到, 原來佢間屋都幾大下, 估計可以企到30個人. 去到之後有d人負責幫手包餃子, 有d 人就切野, 有d 就煮野咁, 都幾得意. d 人分批到, 最多人gei 時候有成12-3個人左右, 都幾勁. 我地一路食下, 飲下酒, 吹下水, 猜下媒, 不知不覺就已經夜晚11點. 有d 人走先, 而我同幾個同學仔就留低左傾計, 結果吹水吹到5點........ 勁眼訓.....

我5點就去左訓, 9點鐘起身, 個屋主同學仔又整左d簡單早餐比我地食, 真係打搞足佢一日24小時, 坐到今朝11點先走. 用日文傾傾足成日, 真係好爽!! 希望之後仲有機會咁玩法啦.

勁miss 失準

2009-06-01T22:21:00.002+08:00

6月1日. 晴.

今日有一堂係由一個之前教日文教得好好gei miss負責, 而今日都係第一次上佢堂. 但好奇怪gei 係, 佢今日教得好差, 除左唔知佢想教咩外, 連佢講野都怪怪地, 勁自問自答咁, 臨尾仲要關西音, 我同d 日本仔都暈低晒, 個個都話唔知佢想點.

點解一個教日文教得咁好gei miss, 來到教日本人反而會差成咁呢? 真係諗極都唔明.

在札幌的第二次生日

2009-05-30T11:26:00.004+08:00

5月30日. 晴.

琴日係我o係札幌過gei 第二次生日, 今年都好好彩, 又有朋友同我一齊慶祝.

首先中午時分有一個日本同學買左個蛋糕仔比我, 仲送左條餐巾同一對筷子比我做禮物. 到左夜晚, 就有幾個香港同學仔同我慶祝, 佢地又買左蛋糕上來.

為左多謝佢地, 所以琴晚由我下廚, 整左個 "炸野" party, 全晚狂炸吉列野, 有雞啦, 有豬啦, 有薯仔啦, 芝士啦........ 結果食到個個都叫救命. 但煮左好多飯都無人食, d 食剩gei 野應該會成為我來緊呢幾日gei 午餐同晚餐.

另外都收到d朋友gei 祝賀, thx!!!!
今年gei 生日都過得好開心, 真係多謝晒各位!

(日本同學仔送gei)

(香港朋友仔送gei)

日本人點解唔識講英文

2009-05-25T16:17:00.002+08:00

5月25日. 晴.

一講起「日本人」, 好多人都會覺得佢地唔識講英文, 但大家又有無諗過點解呢?

我個人就認為有3個大因素:
1. 日文有「外來語」同「片假名」, 即係日本人會將d 英文/其他國家gei生字gei發音, 轉成日本人gei發音, 方便佢地講(因為日文內係無 V 同 R 音, 所以多數人都發唔到).

2. 日本gei 學校好遲先開始教英文, 一般要去到中學先會教(雖然而家慢慢開始推前緊). 香港由幼稚園開始已經開始, 所以諗真d, 其實日本人都幾叻, 雖然佢地唔識講, 讀同寫方面都唔算好差, o係相對上咁短gei 時間已經學到一定gei 水平. 香港好多人讀左十幾年都唔識睇/寫/講.

3. 日本人太怕羞, 佢地自己都覺得自己gei 發音好差, 所以好怕講, 基本上都係話比人聽自己唔識英文, 呢樣都係一個好大gei問題所在. 其實都有d 似香港人學外語, 太怕比人笑, 太怕講錯, 所以學得唔好.

從呢件事啟發到我gei係, 如果要學其他語言, 最緊要唔好怕羞(當然教育設備都好重要). 如果唔係, 一定唔會學得好.

買書 & 收到生日禮物

2009-05-24T20:05:00.005+08:00

5月24日. 晴.

今日去左市中心一間最大gei二手書店買書, 其實之前已經想去睇下有無d書可以用來教日文, 今日終於都 "的" 起心肝去睇.

間二手書店有3層, 第一層係漫畫, 第二層係小說, 第三層係CD/DVD/GAMES, 真係大到暈. 我一點去到, 行到4點半先走, total 用左2500yen 買左10本書, 有d 係漫畫, 有d係日文相關gei書, 其實都好抵. 不過感覺上都未夠, 遲d 可能又會再去睇過.

除左二手書之外, 我琴日online 見到有一set "教日文kit set", 19800yen, 專係用來教初級日文用gei, 呢set 野我都好想買, 我諗如果返香港前計到有錢剩gei話, 我應該都會買. 不過最煩惱gei係, 要寄d 書返香港, 其實都幾貴, 30kg寄船都要7750yen(約hk$600), 我都唔知到時要寄幾多箱先夠......

(暫時都未算好多書, 但遲d 應該會再買.)

另外有樣開心野, 就係今日收到香港一個好好好朋友送比我gei生日禮物, 真係好多謝你呀!!!!!!

(godiva朱古力!!!)

又同日本同學食飯飲酒

2009-05-21T21:15:00.002+08:00

5月21. 晴.

上星期已經約定今日放學一齊去食晚飯, 但最終有2個日本仔都無去.....呢班日本人似乎都唔係太鍾意玩.
我地去左「300yen店」食野, o個到一個鐘任飲300yen, 野食又全部每碟300yen, 其實都幾抵食. 最終每人1600 yen, 飲飲食食左3個鐘左右, 都幾開心gei. 不過睇個勢, 都好難再約到下一次聚會.

另外有一樣開心gei 野係, 上堂o個到有2個好正gei 老師, 解日文野真係解得好好, 令我之前覺得好亂 or 唔清晰gei 野, 而家pickup 返晒, 真係好正!!! 我似乎好大機會可以做到一個好gei日文老師呀.

學日文gei 問題所在

2009-05-16T22:52:00.002+08:00

5月16日. 晴.

在我gei 觀察所得, 香港人(包括我自己)學日文學得唔好有以下幾個理由:

1. 無在意自己gei 發音係唔係正確. 無追求正確gei 發音.
2. 太心急, 無打好基礎就不斷想學新野.
3. 無足夠gei 練習. 包括無日文gei環境, 無日本人朋友, 同自己懶(呢樣係最大理由).
4. 香港唔多好老師. 要搵到個教得好gei, 真係好似中六合彩咁難.

呢d 係我咁多年所見, 而得出gei 結論.
最近o係養成班學到好多之前唔知gei 野, 比到我好多啟發, 令我更加想成為一個好gei 日文老師.

放棄考試

2009-05-12T20:56:00.003+08:00

5月12日. 雨.

之前諗住讀完呢個course會去考個 "教師能力試", 但上左一個月堂, 見過下d passpaper, 發覺對我用廣東話教日文基本上無幫助, 因為個試考好多死背gei 野, 好似歷史、以前gei教學方法.....咁gei野, 所以我決定唔考o個個試, 讀完就返香港.

而家預計9月30號會返香港. 如無意外, 應該都唔會改ga la.

日式BBQ

2009-05-10T22:57:00.005+08:00

5月10日. 晴.

今日約左日本同學仔去附近公園燒野食, 原本諗住可以一齊睇花gei, 但係早幾日d花已經落晒, 所以今日只係BBQ.

今日TOTAL 有11個人, 都燒得幾開心ga. 但係我掛住食, 結果無乜同d 同學仔傾計, 諗返真係有d 浪費. 不過算啦, 開心就算啦!

放假好悶呀!

2009-05-06T12:23:00.002+08:00

5月6日. 晴.

golden week放假放到好悶呀............. 無學返, 無得同日本同學仔傾計, 真係悶到暈!
雖然下星期有個細test, 但溫唔入腦, 因為要背d 日本教育史, 我對呢d 野最無興趣, 都唔知點溫好...

遲來的櫻花

2009-05-02T14:19:00.007+08:00

5月2日. 晴.

琴日放左學, 因為無乜特別野做, 所以約左個香港同學去附近gei公園睇下櫻花. 但o係學校樓下撞到同班gei 一個日本妹, 知道佢都無野搞, 所以就搵埋佢一齊去.

今年櫻花開得遲左, 舊年4月尾gei時候已經開得好靚, 而今年就5月頭都只係開左少少, 應該要下星期尾先係最好睇gei 時候.

一行3人, 由學校行15分鐘左右, 就到公園. 因為d 花未開晒, 我地好求其咁行左個round 就算. 但香港同學仔話比我聽公園旁邊gei 神社有免費日式年糕食(我來左成年都唔知), 所以我地又去左食免費餐, haha, 都幾好味.

之後我地就一齊去左間好平gei餐廳食lunch, 食完傾下計, 結果又坐左幾個鐘. 呢d生活, 真係正到暈.

******************************************************************************

昨日放課後、特に予定はなかったから、香港の友達と一緒に桜を見に行った。でも行く前に、学校のロビーで一人のクラスメートにあって、彼女も時間があったから、俺が彼女を誘って、三人で行くことになった。

今年の桜の開花の日は去年よりちょっと遅くなった。去年の四月の下旬にもう満開だったが、今年はいまだにまだ蕾だらけだ。多分来週の週末は見ごろだろう。

三人で、学校から歩いて１５分くらい公園に着いた。桜はまだ満開じゃないから、俺達適当に一回りしただけ。香港の友達が公園の隣の神社に無料で餅を食べられるって教えてくれて（札幌で一年ぐらい住んでるけど、全然知らなかった）、俺達一緒に食べに行った。結構美味しかった。

その後、三人でガストに昼ご飯を食べに行った。ご飯を食べたり、おしゃべりしたりして、結局３時間くらいレストランにいてた。このような生活、本当に最高！

(花未開晒)

(日本同學仔)

同學仔聚會

2009-04-30T22:30:00.003+08:00

4月30日. 晴.

今日放左學之後, 約左自己班d 同學仔去dinner, 我地一行8人, 一齊去左食燒肉放題.
今晚玩得好開心, 因為來左一年有多, 都係第一次同咁大班日本朋友出去食飯, 我地5點食到10點, 傾左好多計, 好搞笑. 希望之後都可以間唔時約佢地出去玩啦.

辭工

2009-04-29T20:50:00.002+08:00

4月29日. 晴.

呢排自己計過條數, 知道自己夠錢頂到9月尾返香港, 所以我決定辭左份part time, 等我有多d 時間同精神去讀書.
但係今次辭工, 似乎係我人生中, 最唔捨得gei 一次. 之前我o係香港成日轉工, 辭工好似當食生菜咁, 但今次真係好唔捨得打工o個到d 人, 因為佢地真係太好人啦......... o係我無朋友gei 時候, 佢地帶我去玩, 又同我傾計, 返工又照顧我.........太多太多, 真係感激不盡!!!!!

留學生的寂寞

2009-04-29T00:38:00.002+08:00

4月29日. 晴.

o係香港gei 時候真係完全唔會有呢種感覺, 就係「寂寞」.
即使o係香港成日自己一個人, 對住部電腦, 但從來都唔會覺得悶, 唔會想有人o係身邊. 但身在日本, 真係間唔時都會有咁gei 感覺. 其實呢種感覺真係幾難受, 但又無人可以幫到自己. 每當有呢種感覺gei 時候, 我都會問自己「到底我想要d 咩?」. 我係要求其有個人陪? 定係我想自己心愛gei 人o係身邊支持我? 我諗左好耐都答唔到.

同時又令我問自己「到底愛情係d咩? 我係唔係真係需要呢樣野?」結果都係搵唔到答案.
留學總令人「諗得太多」.

睇左大塚愛演唱會

2009-04-26T20:47:00.002+08:00

4月26日. 雨.

今日終於睇左期待已久gei "大塚愛演唱會". 總算完成左一個心願.
不過唔知係唔係札幌個場地gei問題呢? d 音響真係差都暈, 大塚愛把聲成日都比d音樂聲蓋過晒, 好多首都聽唔到佢唱咩.
成個concert 為時2個鐘, 全企位. 感覺上d人都唔算係好熱情, 不過都好過香港gei, 話晒都係企位, 大家都好自然會跳下咁.

但係最值得讚gei係, 大塚愛唱歌真係好好好好聽!!!!!! 唱live 唱到CD一樣, 好正呀!!!

好好玩gei 養成班

2009-04-22T20:46:00.003+08:00

4月22日. 晴

今日上左個好得意gei堂, 就係比我地成班感受一下完全用外語去學外語gei感覺. 事因我地o個班其實畢業後正常應該會係用日文去教一d唔識日文gei人, 所以要比我地feel下外國人學生到底有幾辛苦.

學校搵左個初班gei法國妹來教我地法文, 全程法妹老師都唔準用日文, 包括所有指示(例如叫我地跟佢讀一次, "明唔明" 之類...), 我地全班人都無人識法文gei. 結果大家都一頭霧水, 只係估到少少佢想我地做咩, 大家上完堂都覺得好辛苦, 好累. 跟住真正gei 老師就要求我地討論下到底有咩咁辛苦, 有咩唔好gei 地方, 之後再諗下有咩方法可以解決咁...... 成堂都好好玩, 而且真係學到野. 雖然我畢業後係諗住返香港用廣東話教日文, 但上左呢堂又比到好多啓發我.

之前好辛苦咁忍左一年, 似乎都唔係白費.

日本人識教日文嗎?

2009-04-20T16:56:00.002+08:00

4月20日. 晴.

上左一星期日語教師養成班, 令我感受到gei 係, "到底日本人係唔係真係識教日文ga?". 答案係, 如果日本人無接受過呢方面gei訓練, 基本上係100%唔識教gei. 其實都好正常gei, 就好似o係街求其捉個香港人, 叫佢教外國人話廣東話, 解釋下廣東話gei 發音同文法, 我諗都無乜人做到.

但係之前聽一個日文老師講, 佢話其實日文教育仲係好初步gei階段, 因為一直以來, 對外國人gei日文教育都係由一d家庭主婦為中心, o係d得閒gei 時間去教下日文(因為人工一d都唔高), 日文老師o係日本絕對唔係d 咩高尚gei職業, 所以要搵d 好gei老師, 真係有心機教gei老師, 一d 都唔容易. 但隨住學日文gei 人愈來愈多, 日本政府都開始重視呢樣野, 先至發展到有d 教師班, 教師考試之類gei 野出來.

但我始終覺得, 好老師一定唔多, 日本人始終都係native, 要佢地明白外國人學日文所面對gei困難, 係有好大gei難度. 佢地一定要好有經驗, 先可以理解到我地學日文gei 人gei問題所在. 來緊呢半年, 我相信呢個course對我gei 日文教學方法, 真係會有好大幫助.

最後的home stay

2009-04-18T22:16:00.002+08:00

4月18日, 小雨.

琴日去左今井老師屋企享受最後gei home stay, 因為佢下星期就會去香港, 我應該要10月先可以再見到佢. 其實之前同其他同學仔去過佢屋企食飯, 佢同父母都極之好人, 整左好多好野比我地食, 又請我地去浸溫泉. 今次都一樣, 整左好多好味gei 野, 又同我傾好多計, 呢份恩惠, 真係無以為報. 因為我9月尾先返香港, 今井老師去香港gei初段日子, 我幫唔到佢d 咩, 只好希望佢可以盡快適應香港gei 生活同工作, 等我返到去先請佢食好野啦!!

第4日教師養成

2009-04-16T15:28:00.002+08:00

4月16日, 晴.

第4日上堂, 感覺都仲係好好, 今日開始同其他同學傾多左計, 普遍同學仔都幾好人, 雖然覺得自己gei 日文仲係好有不足之處, 但都係努力keep 住講多d, 咁先會有進步. 希望可以快d 分group 做project, 咁就可以再講多d 日文.

第2日gei 感想

2009-04-14T22:13:00.002+08:00

4月14日. 晴.

今日第2日返學, 比我感覺到gei 係, 課程內容似乎都幾無聊, 但可以同d 日本同學傾計, 討論, 真係正到暈, 我來日本所追求gei 就係呢d學習環境. 來緊似乎要記好多無謂野, 但只好努力去做啦.

開學啦

2009-04-13T14:49:00.003+08:00

4月13日. 晴.

今日天氣已經暖左好多, 中午唔著外套出街都無問題.

另外開心gei 係今日終於都開學, 今日開始唔駛好似之前咁悶啦. 今日返去, 成班大約有14人左右, 男人計埋我有4個, 女性比較多, 當中有1個20歲剛大學畢業gei 女仔, 又有一個o係泰國來gei 女仔, 跟住其他都係d 年紀比較大gei太太們.

第一日上堂gei 氣雰都ok gei, 可能真係日本人gei 關係啦, 大家都幾湧躍答問題. 不過我較為期待gei係佢d group project, 因為都真係希望可以多d 機會講下日文.

不過有個令我覺得好奇怪同令我好煩惱gei 問題係, lunch 時間只係得半個鐘, 我真係要花好多心機去研究下點樣處理我每日gei午餐先得.......

留學症候群?

2009-04-12T14:23:00.002+08:00

4月12日. 晴.

早幾日同個返左香港一星左右gei "前同學" 傾msn, 佢話自己返到香港後唔係好習慣香港gei 生活, 又唔係好想去見工, 心情低落, 有d "隱青" feel wow. 除左佢之外, 另外都有一個同學有d類似症狀, 所以o個位朋友都叫我要小心d. 哈哈, 睇來再過半年留學返港後, 都有一d挑戰等緊我wow.

洗牙

2009-04-07T10:53:00.002+08:00

4月7日. 晴.

因為之前聽同學仔講o係附近間牙科診所洗牙洗得幾好, 又唔貴, 所以今日去左洗牙.

因為之前做左booking, 今日去到填份簡單gei表之後, 就入去洗牙. 因為我話想做個general checking, 所以佢就幫我影左張x-ray先. 部機好得意, 影gei時候有d 好似夾公仔機gei音樂, 搞到我忍唔住笑左出來. 影完後就由醫生做簡單檢查, check 有無蛀牙咁啦, 好好彩我係無事gei. x-ray見到我gei智慧齒係仲未出, 但醫生話出gei 機會都好微(因為差唔多30歲都未出gei話, 就應該唔會出ga wow....佢話), 而且對本身gei 牙都無乜影響, 所以唔理佢都無問題.

講解完之後, 就由護士洗牙(o係日本洗牙係由護士做ga wow!!而且仲係一條友搞dim, 勁!). 真係唔洗過都唔信, 手勢超好!!! 係香港洗牙, 洗完一定成口血, 但今次居然一滴血都無, 又唔痛, 真係好勁!!!!

因為買左國民保險gei關係, 我要比gei 錢只係3350 yen(約hk$360), 真係抵到爛!

哪怕身在何方

2009-04-06T13:17:00.003+08:00

4月6日. 晴.

離開了自己的「故鄉」已一年了, 離開了家人及朋友也一年了, 但感覺上他們總是在我身邊. 這都全因這世上有電腦及internet的存在. 我每星期都會與家人在網上見面, 通過webcam, 通過msn, 能聽見大家的聲音, 能看見大家的笑面, 令我真的懷疑, 我是否真的身處在一個坐飛機也要4個半小時的地方. 朋友的溝通也是靠internet聯繫著, facebook及msn已成為大家的「聚腳點」, 大家都將思想化成文字, 傳到身處世界各地的朋友心中去. 似乎真的要感謝發明電腦及internet 的人呢!

故郷を出てからもう一年、家族と友達から離れてもう一年、でも皆がいつもそばにいるような気がする。それはこの世にはパソコンとインターネットがあるのだ。私毎週も家族とインターネットであい、ＷＥＢＣＡＭを通して、ＭＳＮを通して、お互いの声が聞こえ、お互いの笑顔が見え、「私は本当に飛行機を乗っても４時間半がかかる場所にいるのかなぁ」と疑わせた。友達との連絡もインターネットのおかげで保つ続けている。ＦＡＣＥＢＯＯＫとＭＳＮは皆の「会う場所」になっている。皆が自分の思いを文字に変えて、世界各地にいる仲間の心に伝えていく。本当にパソコンとインターネットを発明した人に感謝しなければならない！

人生首次的法國菜

2009-04-04T19:25:00.007+08:00

4月3日. 晴.

之前有個香港同學仔話我聽屋企附近有間法國菜, lunch set 唔算太貴(1890 yen), 可以去試下. 所以就約左今日去食我一生第一次gei 法國菜.

今日加埋我總共3個人, 去到gei 時候間野未坐滿, 但就問我地有無訂位, 我話無訂, 佢就話只得返counter 位, 咁我地都無乜所謂, 就順利坐低左啦. 個lunch set 有前菜、主菜同甜品, 無樣都有3款比我地選擇. 前菜我地就一人叫一樣, 食晒3款, 主菜就叫左魚同豬肉gei, 甜品都係叫左2個唔同款.

因為我地無mud 其他野做, 所以就慢慢食, 仲勁o係到講笑, 真係好開心. 食完個前菜我地仲捉左個主廚加老細同我地影相tim, 都幾搞笑. 不過我地其實有d嘈, 唔知有無嘈到其他食客呢.....hehe. 食完後, 其他2個同學仔都話唔係太似法國菜wow..... 我就真係唔係好識啦, 不過好味就算啦!

之後因為大家都無約人, 所以就決定去我屋企, 我煮飯比大家食. 結果我係整左魚肉粟米菜湯、炸豬扒同豉油牛油雞. 食飽之後就去左其中一個人屋企飲酒猜媒, 玩左成晚, 笑到嘔, 之後就各自返屋企訓. 就係咁, 就過左一個笑唔停gei 星期5.

(3款前菜, 全部都好味)

(魚肉gei主菜)

(豬肉gei主菜)

(椰汁base gei甜品)

(荔枝味gei甜品)

一年總結

2009-04-01T14:22:00.002+08:00

4月1日. 晴.

眨下眼, 留學生活已經過左一年, 都應該要回顧一下.

舊年考左2級日文試後過來, 來到gei 時候真係唔係太識講日文, 聽同睇就問題唔大. 過左一年, 雖然而家都唔係講得好好, 但總算叫有少少進步. 另外又做左一份o係香港一定唔會做gei part time(廚房洗碗), 其實都係對自己意志gei 一種磨練. o係打工gei 地方識到2個玩得埋gei 日本人朋友, 都係好好gei 得著.

係班內都識到d香港人朋友, 希望返到香港可以有機會再見. 同我玩得最埋o個2個今日返香港, 真係唔捨得. 祝佢地快d 搵到工啦.

不過始終最唔滿意gei都係間學校, 因為真係教得太差, 呢一樣係今年最大gei遺憾.

同日本朋友飲酒

2009-03-29T12:10:00.002+08:00

3月29日. 晴.

早幾日(3月26日) 約左打工o個到gei 日本人朋友食晚飯同飲酒, total 我地2男2女. 但因為其中一個女仔無咁早放工, 我地3個人就去左唱上拉ok, 佢地2個都唱得好好聽. 我地仲玩 "夾公仔" 機, 夾左一排朱古力, 好刺激.

等齊人我地就去左食回轉寿司, 都幾好味, 一人都係1300yen, 食得好飽. 之後就去左 "梅酒bar" 飲野, 3個鐘任飲plan, 3000yen. 今次去到個drink menu 變左, 多左d 唔同種類gei 梅酒, 有香蕉梅酒、lemon梅酒、士多啤梨梅酒、紅茶梅酒.......... d味道好得意. 但因為我酒量太差, 無辦法試晒(有成30種).

講真成晚都玩得好開心, 但最重要gei 係, 我真係好感激我打工o個到個日本朋友, 佢主動約我出去玩, 等我有多d機會聽同講日文. 咁好gei日本人, 其實都真係唔多, 所以真係好多謝佢同佢女朋友!!

開始踩單車

2009-03-23T20:58:00.002+08:00

3月23日. 小雪.

呢幾日d 雪差唔多溶晒, 所以今日開始又可以踩返單車. 但因為成半年無踩, 又無乜做運動, 所以今日踩返有d 吃力呀, 但感覺上都係好舒服. 踩返單車, 好有舊年剛到步o個時gei感覺, 好似又從新開始留學生活咁.

咁就一年啦

2009-03-22T20:45:00.003+08:00

3月22日. 晴.

一年gei日文課程已經完結左, 好自然會諗下呢一年到底做過d 咩, 學過d 咩. 之前都有同另一個香港同學仔傾過, 大家都覺得o係日文呢方面就得著唔大, 但係一年gei留學生活gei體驗對自己往後gei人生都係有幫助, 呢一年所面對同克服gei困難都會成為日後人生gei強心針.

我而家等緊gei係, 4月13日教師班gei開始, 新挑戰, 總令我覺得好興奮.

另外早幾日有香港朋友來探我, 真係多謝晒佢!

不知所謂gei 學校

2009-03-12T01:39:00.002+08:00

3月11日. 雪.

今日又比學校叫我返去 "傾佛計", 因為今個星期無堂上, 所以我決定唔返學. 好笑gei 係, 今次換左另外2個老師來訓話, 一個女, 一個男, 男gei 係入職只有一個月gei新老師. 佢地問我做咩唔返學, 我就話無堂上, 跟本無野學, 我又夠9成出席率(要夠9成先有畢業證書), 我覺得無必要浪費我d 時間, 我自己o係屋企睇書好過. 跟住個男人居然同我講:「我都明白你gei, 但係你應該要返學law......(之後一大堆廢話)」. 我真係覺得好好笑, 佢d 對白同個校長係一樣ga law, 到底呢d係唔係日本人gei指定對白來ga? o個條男人, 來左一個月, 又無教我地班, 連我個樣都未認得, 居然話明白我wow, 明佢條撚呀明!

成個訓話過程大約25分鐘, 佢地完全唔係想了解我gei 情況之後伸出援手, 只係不斷咁話我gei 做法唔o岩, 話我有問題. 間學校真係一d 都無覺得係自己有錯, 呢個就係呢間學校gei 作風. 我真係嬲得好緊要, 如果唔係為左張導師cert (慘在我又無錢去東京讀) gei話, 我今日一定會破口大罵佢地. 呢啖氣真係忍得我好辛苦.

好火滾

2009-03-09T16:58:00.002+08:00

3月9日. 晴.

原本今個星期學校d堂已經係好廢, 我已經係好唔想返學, 但都頂硬上啦. 但今日返到學校, 居然話我知今個星期完全唔上堂, 有同學想係畢業o個日成班玩個short drama, 所以今個星期所有堂gei 時間都比我地用來傾drama d 野wow. 我一聽完真係 "打左大凸", 心諗「唔係ma!!! 原本播dvd已經係pk到震ga la, 而家仲話唔上堂, 自己成班傾野!!???!! 咁我返學做咩呀?」

我真係唔明個死肥婆到底諗咩ga law. drama 呢d 野, 想玩gei人自己放左學先傾都得啦, 有必要用上堂時間傾咩? 有無腦ga????!!!!!

呢間學校真係不知所謂呀!!!!!!!

沈悶3月天

2009-03-04T16:33:00.002+08:00

3月4日. 晴.

而家讀緊gei 日文課程去到17號就會完結. 踏入3月, 學校真係無野教, 其中一個叫大久保gei廢柴miss 仲日日o係到播dvd, 我真係好想講粗口"媽叉"佢, 雖然話係最後2星期jel, 都唔係勁播dvd呀?! 電影我自己唔識download咩?! 駛唔駛你上堂播我睇呀?!

我地成班都好無奈, 但最後2星期, 講咩都無用, 學校都唔會為我地做任何野, 所以大家都只可以忍.....

我都唔知自己係第幾次講呢句啦..... 「札幌國際日本語學院正 PK! 大家唔好來讀呀!」.

大出血

2009-03-02T21:39:00.002+08:00

3月2日. 雪.

今日終於都交左教師養成班gei學費, 成為490,000yen(約HK$4萬), 真係覺得好貴......... 但為左自己gei夢想, 似乎呢d錢無得慳. 仲有半年時間比我o係日本苦練我gei日文, 希望學有所成啦!

第3次kiroro

2009-02-28T23:02:00.002+08:00

2月28日. 雪.

今日係我第3次去kiroro滑雪, 今次係同一個日本朋友去. 但今日「唔知死」咁走左去高級雪道滑, 結果pk到2隻雪橇都飛走左........仲整親膝蓋....而家都好痛....... 做人真係要量力而為先得啦....

洋蔥

2009-02-26T20:03:00.003+08:00

2月26日.

早2個星期買左包洋蔥返來, 放左一個星期左右, 發現其中一個發個芽, 生左少少葉出來. 於是我就放佢理一邊無理, 點知放左一星期, 佢仲不斷咁生長緊, 好搞笑. 所以我決定種佢! 唔知可以生到幾長呢??