大雪到得人驚

12月26日. 大雪.

今日係我來到札幌以前, 遇到最大雪gei 一日. 積雪厚不得只, 落雪仲夾住大風, 真係行路都睇唔到前面. d 屋呀、樹呀、所有野都積晒雪, 感覺上好似死城咁, 勁得人驚.......

PK100次紀念日

12月24日. 雪.

今日同2個日本gei 朋友去左滑雪, 我雖然之前完全未玩過, 但今日就膽粗粗挑戰左snow board. 其實第一次上板gei 時候已經平衡到少少, 但就唔識停, 所以停gei 方法係........PK停.

係小平地試左5分鐘, 就已經比人拖左上山頂玩, 雖然玩o個條叫 "初級雪道", 但對我來講都好斜. 都上左山頂, 無計啦, 只好"衝" "前" "去"....啦.

由上午10:30開始玩, 到1:30食lunch, 再玩, 4:30收場, 其實都玩左好多個鐘. 臨尾o個幾次都算滑到少少gei. 但今日全日我諗我真係PK左100次有多, 而家真係全身都痛, 由其係個PAT PAT.

所以我將今日定為 "PK100次紀念日"

<"PK" P 到腳軟......救命呀!!!>

失戀但還是想著你

12月24日. 雪.

即使分隔兩地, 心仍每天守候你.
久未通訊, 只因找不到合適字句.
一動一靜的背後, 皆因為太愛你.


願..............
至少.............
讓我以朋友身份, 永不分離.

X'mas

12月23日. 雪.

今晚放工後, 去左以前住gei宿舍到開左個小型x'mas party, 有我、韓仔同寮母寮長總共4個人, 食下野, 飲下酒, 傾下計, 好開心呀!! 其實我搬左出來後, 寮母寮長一直都好照顧我, 當我係佢地個仔咁, 真係好感激佢地2個!!

好很大雪

12月21日. 大雪.

今日開始, 呢個星期都會落雪. 而家因為要返工gei 關係, 日日都要行15分鐘去地鐵站, 坐完地鐵又要行20分鐘先去到打工gei 地方, 真係行到死.

今日放工行返屋企gei 時候心情有d矛盾, 一方面覺得好得意, 因為係d 雪上面行, 軟"lum lum" 咁, 好過癮, 但另一方面, 因為d雪唔食力, 行到個人好Q攰.

來緊gei 日子, 真係仲有排行............

放假做咩.....

12月18日. 雨.

原本諗住放假可以勁返工, 搵出年gei學費. 點知舖頭生意差, 唔駛咁要多part time, 所以我都無得日日返工, 而家真係有d擔心出年到底夠唔夠錢讀.

今日就係唔駛返工gei 日子, 好悶.........好彩之前同一間宿舍gei韓仔今日去開我屋企附近, 我就叫左佢上我到食飯, 陪下我過日晨.

另外今日收到朋友send 比我gei video, 係我香港間屋裝修後gei 樣, 都真係整得幾靚gei.

寒假

12月13日. 雪.

今日開始踏入一個月gei寒假啦. 下星期1開始就要不停咁返工, 因為要努力搵出年gei學費. 1級日文試9成都會合格, 所以9成都會讀日文教師養成班, 將會係一個新挑戰, 因為呢個班係比日本人讀gei, 所以內容一定會比1級日文來得深, 不過正因為有挑戰性, 我又開始覺得興奮啦!!!

考完試啦!!!!

12月9日.


終於都考完1級能力試啦!!!!!!!!!! 個人真係鬆晒呀!


考完試o個晚, 我去左之前住o個間宿舍到食飯, 因為o個到gei 寮母好好人, 講幫我地呢班留學生慶祝下wow. 佢整左一盤寿司比我地食, 真係好鬼正, 同o係出面食到gei 味道一樣, 超水準!!


<寮母整gei超好味寿司>




<寮母同寮長>


一路食一路傾計, 食到11pm 我先走. 但都未完, 我離開左宿舍後, 就去左bar 同我地班gei 同學仔飲酒, 2000yen 任飲, 結果我地飲天光先返屋企.


<同班同學>




下個星期開始, 我又返part time 啦, 係返去之前o個間日式燒肉店到做, 又要開始洗碗gei 日子啦.....鬼叫你窮呀, 頂硬上啦!!!!!

就考試啦

12月3日. 晴.

今個星期日就係考日文能力試gei 日子, 雖然做passpaper 都合格, 但我都唔敢鬆懈, 盡自己gei能力去記多d 生字(但真係太多, 無可能記得晒).

班上gei同學都已經plan 緊考完試去邊玩啦, 睇來考完試之後, 大家都唔會有心機 or 可以話唔用比心機上堂ga la.

考完試後過一星期, 就會係學校gei寒假, 又放一個月.............不過呢一個月, 我諗我都係會o係part time 中渡過, 因為我未夠錢讀多半年, 要努力d 返工搵錢交費先得!!!!!!!