覺得悶的時候

8月30日, 晴.

以前o係香港gei時候, 成日都係自己一個人, 好少出街, 好少搵朋友, 但就從來都唔覺得悶. 來到日本後, 同香港差唔多, 好多時都一個人, 唔同gei係, 有時真係會覺得悶, 想搵d 朋友出去玩下.

係唔係人在異地, 真係會容易覺得寂寞呢......?

搵屋 - 第2集

8月27日, 雨.

今日繼續我搵屋gei故事. 今朝一早我就去左間地產公司到再問清楚有關保證人gei 野, 但我去之前打左電話返學校問佢可唔可以做我gei保證人同要收幾錢, 學校gei答案係:「如果你經我地介紹比你gei地產公司搵屋, 就可以, 收5000yen手續費, 如果你自己搵其他公司, 就唔得啦.」(又再一次證明學校真係好貪錢同無心幫d留學生.)

講返自己搵gei地產公司先. 去到gei時候, 我同佢講我無保證人, 都無人願意做我gei "緊急聯絡人", 佢都好似預左我會咁講, 所以即刻就話佢公司會 "求其" 搵個人做呢個位, 叫我放心(咁先係ga ma, 收我錢就應該要做野). 我諗住ok啦, 條氣順晒啦. 點知佢轉個頭又打來叫我比個存款證明佢wow......唉..... 好心有咩要, 就一次過講晒啦.... 所以我明天又要再去多一次間地產公司.

呢幾日為左搵屋, 搞到個人勁攰, 夜晚又訓得唔好, 希望可以快d搞dim新屋gei 野啦.

搵屋 = 煩惱的開始

8月26日. 晴.

其實之前已經去左睇屋, 有一間o係學校附近gei, 平租, 又有internet任用, 所以今日諗住去簽約租房啦. 因為我無日本人做保證人, 所以要搵間保證人公司, 每個月比屋租gei 3%佢, 等我可以租房, 但地產agent 之前話叫我求其搵個日本人名做 "緊急聯絡人", 我就搵左個日本人朋友比個名我. 但今日去簽約gei時候, 佢先話我知要o個個人gei地址同住宅電話, 其實我如果試下問下個friend, 都可能會ok gei, 但我唔想咁做, 因為間agent 之前都無同我講, 所以我同佢講無人肯做我gei "緊急聯絡人".

我唔知係我日本唔好, 定係agent 條友當我唔識日文, 我問如果我搵到保證人, 係唔係唔駛比o個3%gei保證服務月費, 佢居然同我講話一定要join 個plan, 呢一下我真係覺得佢想搵我笨, 個人即刻down 晒.

未開始個人生活, 就已經體驗到個人生活gei麻煩事........到底之後仲會發生d咩呢???唉........

明天會再去間agent 到問清楚, 都會試下去學校問下學校gei專用agent睇下會點.

硬係鍾意 "攞苦來辛"

8月26日. 晴.

我已經決定左會搬出去自己住, 應該下個月尾就會離開而家住緊gei宿舍. 呢個決定好明顯會為我帶來好多gei煩惱同痛苦, 因為搬出去後, 要一日3餐都自己煮(可能係2餐啦, 自己應該唔會住早餐ga la), 返到間屋唔會有人同我傾計(而家住宿舍間唔時會同朋友傾2句), 而家返part time o個到會遠左(但我諗住搵過另一份), 總之就會煩啦. 但我都係決定搬.

最主要gei原因, 係我真係想體驗下真正gei 個人生活, 全部都靠自己一手一腳做. 好想試下自己到底有幾強gei能耐. 我諗, 呢個係我性格gei 其中一個特點啦.........

札幌10月就開始會進入冬天, 11月應該會落雪, 而家我可以做gei, 就係祈禱, 希望自己唔好死係札幌啦!!!!

突然好有搬出去住gei衝動

8月23日. 晴.

琴日開始, 突然有股想離開宿舍, 搬出去自己住gei衝動. 真係唔知點解, 抽起條筋.
之後online搵左一堆資料, 又叫同班同學比左少少意見. 最後計落條數都好大, 自己住要比多d錢, 所以有d 放棄狀態. 但又真係好想試下一個人自己住, 自己日日煮飯(明知會好辛苦), 好想鍛鍊下自己.

到底, 我應唔應該搬出去呢?

HIP HOP

8月20日, 晴.

今日放左學之後, 去左一間跳舞學校都學hip hop, hehe, 都幾好玩. 其實o係香港gei時候都學過下, 不過都係幾年前gei 事lu.... 而家跳返, 好明顯就係骨頭硬左law, 記性差左law..... 都唔可以唔認老啦.......

其實我去跳hip hop, 主要原因係想搵d機會識下d日本人, 希望可以同佢地傾下計, 練下我d會話. 因為學校真係無mud講日文gei機會.

都係o個句啦, 我會比心機學好d日文先返香港!!!!!!!!!!!!!!!!!!!!!!!!!

小樽

8月15日, 小雨.


琴日終於都去左一次小樽, 我諗其他同學仔一早已經去過, 我係比較慢gei 一個. 小樽其實離札幌唔遠, 坐JR只要半個鐘多少少就去到.


小樽已經成為左一個旅遊區, 所以o係火車站有地圖攞, 有晒附近gei店舖位置, 都幾方便. 一到步第一樣野就係去食lunch, 我就食左個魚生set lunch, 都好味gei, 但又未去到勁正. 聽人講小樽成為左旅遊區後, d食店gei食物質素下降左, 所以o係o個到未必可以食到好正gei魚生.


但我食左一樣好正gei野, 就係牛油燒帶子!!! 100yen 一隻, 好好味, 如果再去gei 話, 我一定會再去食過.


可惜gei係, 琴日唔記得帶相機, 用電話影左幾張相, 比唔到大家睇小樽gei 樣貌呀......
下面呢張係我覺得幾正gei景, 係海邊, 好正, 好有日本feel!!