日本的第2個月

5月30日, 晴.

今日係我到左日本後gei 第2個月. 同上個月尾gei 感覺差唔多, 都係唔太開心啦, 因為o係學校唔係好學到野. 唯一好左gei 係身體啦, 可能已經真正咁適應左呢邊gei 生活, 無mud病痛lu.

而家我開始努力咁搵part time, 希望快d 搵到, 等我有多少少講日文gei 機會啦.

生日快樂

5月29日, 晴.

今日係我gei 生日, hehe, 真係幾開心ga!

首先係琴晚, 同宿舍gei 朋友仔買左個cake 來同我慶祝, 我地食蛋糕、猜媒、飲左少少酒, 玩得好開心. 而且我發現一樣野, 唔知大家有你食過香港d 生日蛋糕上面d 糖牌 or 糖公仔呢, 覺唔覺得好難食呀? 但係日本gei 蛋糕gei 糖牌同糖公仔都好好味.

之後, 今日上午gei 時候收到個包裹, 係香港有人寄份生日禮物比我呀!!! 你估係咩呢? 就係GODIVA gei 朱古力啦!! 好鬼sweet sweet 呀!!!!!!!!!!!!!!!! 之後下午上堂仲收到佢由香港send 過來gei SMS tim. wow "幸せ～～～"(<-呢句日文我諗我gei 同學仔先會明, 因為係日本一個廣告gei 對白.)

第3 part 就係有個香港同學仔, 好好人咁約埋2個韓妹同學同我一齊慶祝生日, 佢地請左我去食蛋糕, d cake 好靚好好味ga, 我地一路食, 一路傾, 不知不覺就6點幾lu............. 呢間cake shop 有d 得意野就係如果生日去食野gei 話, 佢會送份小禮物比你gei. 最得意gei 係, 你只要同佢講就得ga la, 唔駛比證明ga wow!!(我諗香港一定唔會咁樣) . 份禮物係...........毛巾仔加一個士多啤利形gei 袋仔.

睇下d cake幾靚: http://www.youtube.com/watch?v=o5NKYXl_uQg

一句講晒, 今日真係好鬼開心呀!

本性難移

5月28日, 晴.

琴日自己用左少少時間發呆諗下野, 發現「我」始終都係「我」, 點解咁講? 因為我原本諗住來到日本之後, 改變一下自己gei 性格, 想造一個開朗活潑gei 性格出來, 希望同咩人都傾下計. 結果........係失敗gei, 我都係做返原本gei 自己------唔多同人講野, 又或者可以話係「只係同某幾個人會傾計」.

其實係香港gei 時候, 我已經發覺自己有個問題, 就係對朋友gei 要求太高, 只會同一d 自己覺得好gei 人做朋友, 同佢地傾計. 我覺得佢地人品唔太好gei, 我會唔理佢地. 我好明白咁樣唔係幾好, 但係又真係控制唔到自己, 迫唔到自己同d 自己唔鍾意gei 人玩. 似乎「江山易改, 本性難移」呢句係真gei.

免費會話班

5月24日, 晴.

今日去左同學仔介紹gei 「國際留學生交流中心」gei免費會話班. 其實o個到係由一d 日本人義工搞gei, 佢地會免費同我地呢d 留學生傾下計, 或者教如果你有功課/日文問題, 都可以問佢地.

今日1點左右去到, 開頭都唔係太多人, 但到2點左右, 就已經坐到滿晒啦, 當中大部份都係我地學校gei 學生, 因為其實札幌gei 日文學校唔多, 我讀緊o個間算係多學生. 正式開始會話班gei 時間, 有個「老」師(因為真係幾老ga) 叫名, 因為今日多人, 所以佢就1拖4, 有2個大陸人, 我, 再加一個香港同學仔. 其實成個過程就係佢會睇下你gei 日文去到咩level, 跟住問下你問題, 等你有機會講下日文, 我覺得都幾好, 最少我而家比緊錢讀o個間學校無d 咁gei service, 呢到都真係一個同日本人傾計gei 好地方.

傾左大約一個鐘左右啦, 就完左一節啦. 之後我同香港同學仔都覺得唔係好夠喉, 所以就排隊上多一節, 由呢一個老師同我地上. 點知............ 可怕gei 事就發生啦!!! 第二節gei老師係一個老老地gei 女人, o個節得返我同香港同學仔上(因為無其他人等緊), 一坐低講左3分鐘, 我地對望左一野, 大家都get 到大家諗緊咩, 就係覺得個老師有d 問題. 佢一坐低就已經不停自己勁講野, 完全無理我地, 又無叫我地講野. 佢講gei 野仲要係不斷重複又重複, 我地問佢野, 佢又好似聽唔到咁......... 我坐左10分鐘左右, 就決定用「借尿遁」!!! 結果成功逃脫!! 之後過左5分鐘, 我個同學仔都頂佢唔緊, 話夠鐘返part time, 走埋出來. 我地係大堂重遇gei 時候, 都不禁一齊講左句............「痴線ga 條友......」

不過好老實講, 唔駛錢gei 地方, 係會咩人都有ga la, 都係睇自己好唔好彩, 撞唔撞到個好gei 老師jel. 其實之後都發現到有個老師教得好好, 好熱心咁改正我地gei 發音, 我下星期一定會返去試下搵佢同我talk !!

後記:

個上堂gei 地方其實幾遠, 我踩單車要50分鐘左右先去到. 但有樣好正gei 野, 就係差唔多到gei 時候會經過一條河, 叫「豐平川」, o個到好正, 好似睇日劇d 河邊咁, 勁長, 勁大, 勁多草地, 真係一個令人好relax gei 地方. 我地上完堂, 就同左韓仔一齊去踩下單車, 睇下咁. 下次如果想relax, 一定會再去o個到.

見工

5月22日, 晴.

今日我做左一件自己o係香港都做得幾多gei 野, 就係見工啦(因為我o係香港gei 時候成日轉工, hehe).

其實去見工前, 我係宿舍到諗左一段仔 "自我介紹" gei, 但最終係無機會用, 因為佢無叫我自我介紹, 可能因為呢份係part time gei 關係啦.... 不過其實見工時比人問gei 野都差唔多, 都係叫我講一個自己gei 優點同缺點咁啦, 但最後佢叫我 "表揚下自己"(係日文直譯), 我開頭都唔知佢想我點, 之後佢見我好似唔明咁, 佢就舉例「如果你地請我, 我就會好比心機做ga la....」之類gei 野. 其實我覺得都幾無謂, 呢d廢話係人都識講啦, 講左根本無意思, 呢d 都係日本gei 文化之一gei 「廢話連編」.

總括我覺得今次見工見得麻麻地, 請我gei 機會都唔大, 不過作為一項留學體驗, 係幾好玩gei, 我覺得今日去見工, 係o岩gei!!

札幌地鐵 + 日本的bar code之謎

5月20日, 大雨.

講今日個topic 前, 想講下今日gei 天氣先. 今日係我到札幌之後, 第一次遇到咁大風大雨gei 日子. 今日出面直頭就好似香港打8號風咁, 成個人可以被風吹起咁, 再加埋d 雨, 真係辛苦到暈...... 所以我今日無踩單車返學, 而坐左我來日本後第一次gei 地鐵.

我買左張面值1100 yen gei 飛, 但係有discount, 比1000yen 就ok. 張飛都靚ga, 而且有樣得意野就係車票後面會記低你係邊個站入閘, 仲有幾錢餘額. 用晒d 錢, 車票會比返你做紀念, 都唔錯ga.

好啦, 講返今日個正題啦. 其實呢個bar code gei 野我想寫好耐, 但一直都太懶無寫.

其實唔知你地有無留意d 日本website 或者日本d 產品好多時有以下呢個圖案

我o係香港時已經問過下人, 人地話我知係bar code, 但無人話我知呢個bar code 係點用gei. 到我來左日本, 出左電話之後, 我就知道係咩一回事啦. 其實呢個係for 手提電話用gei bar code 來gei. o係日本, 只要用手機個cam 對住呢個bar code, 按幾按, 手機就會讀到一個網址, 之後就可以直接去o個個website 都睇野, 都幾得意ga.

我拍左條video, 你地睇下就會明ga la.

http://www.youtube.com/watch?v=r3zvArmIECA

今日識左個日本仔

5月17日, 晴.

早幾日o係mixi 識左個日本仔, 佢都係住札幌西區gei, 今日lunch 應約同佢一齊去左間幾得意gei 餐廳食飯.

首先講下日本仔先啦, 佢係一個香港愛好者, 勁鍾意香港, 年年都去幾次咁gei. 佢仲識聽廣東話, 雖然過講就差少少, 但係佢對廣東話gei "7" 同 "9" gei 句子(即係粗口)一d 都唔陌生. 佢o係mixi 搵到我, 所以就約我出來食飯. 我見大家都係男人, 又lunch time, 應該唔會被人強姦o瓜, 所以就答應左出來見面啦.

講下間餐廳先, 間野係佢介紹gei, 佢話由佢屋企行去只要5分鐘, 勁近. 餐廳外面望落去好似牧場, 仲養左隻羊. 落來聽日本仔話, 話之前原來真係牧場來gei, 大約3年前到先變左餐廳, 所以都幾有特色. 我地叫左個lunch set 1000 yen, 但我掛著食, 唔記得影相. 野食就過得去啦, 唔係勁好食, 又唔會難食, 我諗都係食個環境多d.

食完野, 我地傾左一陣傾, 又行左一陣街, 之後我就返左宿舍啦. 總括來講, 今日都係開心gei, 出來同佢食飯係無錯gei.

另外有條video可以睇: http://www.youtube.com/watch?v=3697CxaGqCg

円山動物園

5月14日, 晴, 夜晚有雨.

今日係學校所謂遠足gei 日子, 我地全校去左好近學校gei 円山動物園. 我覺得10個人有9個都唔想去, 因為平時大家自己都可以去到, 勁近, 無必要成班人一齊去.

開頭我都覺得無所謂gei, 諗住自己又未去過, 連香港gei 動植物公園都好耐無去, 去睇下都無問題gei. 點知入到去, 第一個感覺就係好舊好殘, 地方一d 都唔大, 大約20分鐘可以行一個圈. 之後睇d 動物, 見到隻隻都好似訓晒咁, 有d 似好似死左咁............ 我地大約行左30分鐘, 就已經無野可以再行啦, 所以我地就入左carteen 坐. 學校包我地一人一個便當, 我地由11點, 坐到12點先有得食. 個便當都幾唔好食ga, 又勁凍, 有時真係唔係好明d 日本人點解可以成日食d 凍冰冰gei 野. 總括來講, 今日gei 遠足係超無聊.

1點鐘散之後, 我地幾個人又去左唱k, 今次唱左3個鐘, 都係500yen 左右, 其實都幾平.

搵part time 似乎唔容易

5月13日, 晴.

今日開始試左打電話去問下d 餐廳請唔請part time, 但係我打左幾間都話請左人, 似乎o係呢到搵part time 都唔係想像中咁易呀.......... 我會遲d 再試下打多d 電話 or 出去睇下有無請人gei 餐廳gei.

但另外有樣野令我唔係咁開心gei, 就係我覺得自己d 日文好似差左咁, 唔知係唔係在學校聽得太多奇怪發音gei 日文, 被傳染左呢........... 真係 "大檸樂"

燒肉大會

5月11日, 晴, 又係凍到傻.

今日應邀出席左由香港同學仔做搞手gei 燒肉大會, 其實即係香港gei 燒野食. 燒烤爐由一對熱心gei 香港情侶借出(因為佢地係無一齊燒ga, 只係借比我地用), 食物就由名叫agens gei女仔負責, 食物真係勁豐富, 勁多肉, 又好好味.

我地大約2點開始燒, 玩到6點左右先散, 全程都係不停咁食野, 今日係我來日本之後第一次食咁多肉, 因為平時係宿舍係無乜肉食ga.

o係一路食一路傾gei時間, 發現大家都覺得學校內一個叫"池田" gei miss 勁唔dim, 完全唔係路, 個個都認同佢上堂係 "dum 波鐘", 根本就唔係教書gei. 我真係遲早有日會去投訴佢ga la.

算啦, 唔開心gei 野唔好講咁多啦, 大家一齊睇下video 啦:
http://www.youtube.com/watch?v=wRjZxXYKw80

燒墨魚丸

5月10日, 晴, 凍到飛起.

今日去左之前同班gei 韓妹間屋到食燒墨魚丸, 因為佢地本身勁鍾意食, 結果佢地買左部機返屋企自己整. 我當然唔係自己一個去啦, 我地一共有7個人, 韓妹2個, 我同班女仔一個, 我同宿舍gei 香港仔+韓國仔+日本仔.

我地幾條去打搞人gei友仔就負責買野飲, 2個韓妹就負責燒墨魚丸gei 所有野, 我地去到, 一路整, 一路食, 一路傾, total食左2個鐘, 我諗呢次都會係我人生中食燒墨魚丸食得最耐gei 一次啦.

呢到有條video, 你地睇下啦, 但係講粗口o個個係日本人來ga wow.
http://www.youtube.com/watch?v=F9bjpEhlJ_w

第一次失眠

5月6日, 晴.

今朝一起身就想寫blog, 因為琴晚係我第一次o係日本失眠, 成晚都好似無訓到咁, 訓到少少gei 時候又發左10個惡夢, 救命呀!!!!!!!!!!!!!!!!!!!!!!!

仲有一樣辛苦野, 就係我訓張床gei 床褥應該係好舊, 個腰位係凹左落去gei, 我朝朝訓醒個背脊都好鬼痛............都唔知點頂一年...........

後加:
今日同一個係internet識gei 日本妹傾電話, 又再發現自己gei 日文好 "屎", 我只係聽到佢講野內容gei 一半左右, 因為佢講野勁快同咬字唔清........ 我真係又要加油先得啦!

做大廚

5月4日, 晴.

今日係日本 golden week 假期gei 第2日, 因為紅假宿舍係無飯供應gei 關係, 我同韓仔琴晚已經決定自己煮野食. 其實o係香港住gei 時間已經好想自己煮野食, 但係又唔知點解"的" 唔起心肝, 來到日本就發現個原因係, o係香港gei 時間太依賴阿媽啦, 日本無媽媽, 只好自己煮啦.

要煮野食, 最緊要就係有調味料, 所以我係super 買左d返來, 老實講, 香港屋企都無咁多調味料呀.




琴晚我地就炒芽菜食, 好正, 用日本醬油炒完後再落d 黑椒上面, 真係食到唔停得口. 到今日lunch 時我就炒意粉, 落左d芽菜、日本菇仔 and 雞胸肉, 加香草同黑椒炒, 都係好正!!! (突然覺得自己返香港後應該開餐廳.....hehe)

到左5點, 得閒悶悶地, 我就走左去整 "玉子燒", 個賣相真係麻麻地, 但味道都可以接受gei, 我諗我之後再練習多d, 整多幾次, 應該會再正d gei !!